Kersvekansie, ein paar jaor geleeje. We zoote op de bank, bekans bedtiéd veur Emma en Julia. Vera loog d’r al in. Eigelik meuste de blaage naor baove, maar op de tillevisie begòs net “a Christmas Carol”, weit ge wal, det verhaol van Scrooge. ‘t Waar auk nog ens de Muppet versie, dus met Kermit en Miss Piggy. En ‘t waar vriédaagaovend. Och wat kin ‘t gaeve, laot ze maar kiéke dach ik. En ik zal iérlik toegaeve det ik de Muppets auk wal kwant vindt.

In ’t verhaol wuuërt Scrooge bezòch daor dreej spoeëke; d‘n iérste van de Kers dae gewaes is, de twiéjde van de Kers van nòw, en de derde van de Kers dae nòg kòmme mòt. En umdet ‘t de Muppet versie waas zooge de spoeëke d’r bes kwant oét. Tenminste…de iérste twiéj. Wie ‘t derde spoeëk -dae van de Kers dae nòg mòt kòmme- in beeld kwaam, kroop Emma toch wal wat doeënder beej.

’t Spoeëk waas gekleid in eine griés-grauwe pij, net wie eine pater. Hae waas groeët, zag niks, en wees allein maar met zién lange erm met dao aan ein lange, dunne, griéze hand met dao aan nog langere, dunne vingers. En zién gezich…det kos‘se neet zeen. In de capuchon van de pij zoot allein maar ein groeët zwart gaat.

“Waorum haet det spoeëk gèn gezich?”, vroog Emma. ‘t Antwaord floepde mich d’r zoeë oét, zònder eigelik nao te dinke. Maar ik besefde mich det ‘t wal verduuveld waor waas.

“De toekòms haet gèn gezich. De toekòms mos’se dich zelf teikene”.

En zoeë is ‘t…

Ik wins òg veur ’t niéje jaor eine blanko teikenblok en vuuël creativiteit. En als ’t ens neet lök; pak dan eine gum, of scheur ein blaad van diéne blok en begin opniéj. Ik haop det geej op ‘t ind van ‘t jaor ein prach van ein teikening heb gemak…en det ògge teikenblok nog vuuël blanko blaedjes euver haet.

Dit wil ik delen!

AUTEUR

Eric Sweijen (1972) is fotograaf en bedrijfsleider bij Hofleverancier Foto Kino Linders, waar hij ook les geeft in fotografie. In zijn vrije tijd speelt hij dialecttoneel bij Silhouet en zet zich daar behalve als acteur ook in als decorontwerper, vormgever en bestuurslid.

Reageren

Yep, ook Krag.nu maakt gebruik van cookies! UITLEG

Alle websites maken gebruik van cookies, Krag.nu dus ook! Het zijn kleine bestandjes die op je computer geplaatst worden en ervoor zorgen dat de website goed werkt. Bovendien helpen ze om Krag.nu te kunnen verbeteren.

Er worden geen privégegevens verzameld!

Deze cookiemelding is verplicht omdat er op Krag.nu filmpjes te zien zijn die op YouTube staan. Daardoor ontvang je mogelijk ook cookies van die website. Wil je dit niet? Pas dan daar je instellingen aan.

Sluiten